Ambasadori i Gjermanisë në Kosovë, Jörn Rohde, duke folur edhe në emër të Francës, thotë se qëndrojnë të gatshëm të mbështesin vazhdimin e Dialogut të lehtësuar nga BE-ja ndërmjet Kosovës dhe Serbisë drejt integrimit evropian të të dy vendeve.

“Gjermania dhe Franca urojnë qytetarët e Kosovës, Albin Kurtin e Vetëvendosjes dhe Vjosa Osmanin për rezultatin e zgjedhjeve. Ne bëjmë thirrje për një formim të shpejtë të qeverisë dhe zgjedhjen e Presidentit, sapo rezultatet të finalizohen”, shkruan ambasadori Rohde.

Sipas tij, Gjermania dhe Franca mbështesin një axhendë ambicioze të reformave, duke përfshirë forcimin e sundimit të ligjit dhe luftën kundër korrupsionit dhe krimit të organizuar.

“Së bashku me BE-në,  ne do të vazhdojmë të mbështesim Kosovën në menaxhimin e pandemisë COVID”, thotë Rohdne.

Kurti e Osmani shprehin qëndrimin se nuk e kanë në plan të parë vazhdimin e dialogut me Serbinë, por përmirësimin e mirëqenies së qytetarëve./arbresh.info/

????stand ready to support the continuation of the EU-facilitated Dialogue between Kosovo and Serbia towards the European integration of both countries

— Ambassador Jörn Rohde (@GermanAmbKOS) February 22, 2021